• Español
• English

Xabier Diaz, Música galega contemporanea

• Biografias
• Musicas e Letras
• Actuacións
• Galerias
• Novas
• Prensa
• Contacto
• Ligazóns

04 de Setembro

Novos Proxectos

Xabier participa nunha nova edición da festa dos Axóuxeres que pasará por Vigo , Compostela , Lugo , A Coruña e Ourense este mesmo més de Setembro , é a segunda edición desta Festa . Tamén está a piques de comenzar a xira de presentación de Tradicción o novo espectáculo de Nova Galega de Danza no que tamén participa Xabier e que desta volta está coproducido polo centro coreográfico galego , tedes as datas no calendario da esquerda . Así mesmo Xabier e Pedro Lamas viaxan a Lima ( Perú ) para facer varios concertos no país suramericano a finais de Outubro .

6 de Agosto

Podedes escoitar unha pequena entrevista na web de "A nosa Terra Diario"

02 de Xullo

Berrogüetto en varios Festivais

Este mesmo mes de Xullo estaremos presentes no Ascoli Festival perto do Adriático en terras italianas e tamén no Festigal o dia 25 no campus sul en Compostela . Así mesmo está confirmada a participación no Atlantic Waves en Londres , aló polo més de Novembro , un dos festivais de World Music máis importantes do planeta .

12 de Xuño

Premios Nacionais da Cultura Galega

Este sábado 14 de Xuño Xabier e Guille actuan dentro da gala de entrega dos Premios Nacionais da Cultura Galega xunto con Pedro Lamas ( Saxo ) e Kin Garcia ( Contrabaixo ) a gala será retransmitida pola Televisión de Galicia a partires das 21.30 hrs , o tema a interpretar , unha versión de "A Rosalia" , música de Luis Emilio Batallán e texto de Curros Enrriquez ( no centenario do seu pasamento ) . Así mesmo seguimos preparando o espectáculo que Berrogüetto e convidados farán en Muxia o 28 de Xuño ( Talabarte , Espido , Lizgairo e Xabier Diaz interactuando có grupo ) . Os Peixes Voando comenzan Horario de verán , os Sábados ás 18.00 e os domingos ás 23.00 na Radio Galega Música e os Domingos ás 21.00 hrs na Radio Galega convencional , saude e cancións .

27 de Maio

Despois das viaxes a Mexico , Irlanda e grabar un tema xunto a Guadi Galego para o próximo disco de Kepa Junkera ( no que tamén colaboran Dulce Pontes , Luis LLach , Eliseo Parra e Santiago Auseron entre outros Xabier prepara un tema para a gala de entrega dos Premios Nacionais da Cultura Galega , xunto a Guillermo Fernández , Pedro Lamas e Suso Iglesias , aproveitando o centenario do pasamento de Curros , faremos a versión dun clásico de Batallán " A Rosalia " . Tamén traballamos no espectáculo " Fisterranea " de Berrogüetto e convidados ( Talabarte , Guadi Galego , Lizgairo ... ) para o Vai de Camiño 2008 ( Xacobeo ) , este espectáculo vaise realizar en Muxia o 28 de Xuño .Por outra banda aceleramos no tramo final da nova montaxe de Nova Galega de Danza " Tradicción " que ten data de estrea en Setembro . E presentamos a Icia na Coruña , dentro da Festa da Lingua , no Rosalia de Castro , cós compañeiros do sexteto na casa ... sempre é lindo , un petisco desa noite .

10 de Maio

Xabier presenta o seu ùltimo disco " Coplas para Icia " na Coruña dentro da Festa da Lingua , organizada pola Deputaciòn Provincial e o Concello da Coruña . Un sexteto con Xabier ( Voz e Percusiòns tradicionais ) , Pedro Lamas ( Saxo Soprano e Gaitas ) , Suso Iglesias ( Acordeòn ) , Pablo Pèrez ( Contrabaixo ) , Ivàn Costa ( Zanfona ) e Miguel Queixas ( Bateria ) para revisar o repertorio popular resultado de anos de traballos de campo feitos polo mesmo autor , lembrade 15 de Maio na Coruña .

10 de Maio

From Ireland

Onte comenzamos os concertos en Irlanda , o primeiro foi no Glor Center de Ennis unha vila preciosa do sul de Irlanda , nunha sala diferente , moi pràctica , coas suas mesas e os irlandeses tomando as suas pintas de Ginness , diante dunhas 300 persoas , sentìmonos coma na casa , botamos uns puntos cò bailador ... foi un concerto divertido e cheo de enerxia ... i esas presentaciòns de Pintos in English ... o dito moi divertido ... Hoxe mesmo saimos con direcciòn a Baltimore para tocar no Baltimore Fiddle Fair .

7 de Maio

Crónica da xira Berrogüetto Mexicana III

Xá estamos de volta , dándolle a volta ós biorritmos ás presas que mañán 08 de Maio liscamos para a xira Irlandesa ... En México disfrutamos dunha acollida inmellorable , de moito afecto , así foi no derradeiro concerto no pavillón de España da Feira de San Marcos , moita xente e moita calor ... bicos a tod@s

4 de Maio

Crónica da xira Berrogüetto mexicana II

Onte tocamos no Teatro del Pueblo da cidade de Aguascalientes , onde os hidrocálidos ( si si , o nome dos nativos desta cidade ) nos recibiron e despediron con afecto , o concerto de onte foi televisado para o estado do mesmo nome , quedaron aquí moitos discos do grupo e disfrutamos de outra noite de música ... logo a cear e descansar , hoxe outro concerto esta vez no pavillón expañol da Feira de San Marcos .
Chuchos a tod@s .

2 de Maio

Crónica da Xira Berrogüetto mexicana I

Onte fixemos o primeiro concerto da xira Mexicana de Berrogüetto no teatro Degollado de Guadalajara ( Jalisco ) , foi unha noite linda , o teatro é precioso e a xente cálida , achegáronse ó final para falar e saudarnos , xente amable e próxima , alí mesmo puxemos a botar uns puntos ó " Bailador " e disfrutamos moito da música ... logo fomos cear ( comida picosa ¡ ) e tomar unhas cervexas e falar de música e tomar algún tequila ... hoxe marchamos para Aguascalientes , imos a unhas termas a nos relaxar , mañán segue a música , máis música ... bicos enchilaos a tod@s .

24 de Abril

Comenza a xira internacional de Berrogüetto , viaxamos a Mexico e logo a irlanda ... mais info , teredes cumprida información destas viaxes .

21 de Abril

Nesta páxina tedes uns retratos feitos por Mónica Suarez do concerto dos Peixes na Fábrica de Chocolate en Vigo .

14 de Abril

Podedes ler unha pequena crónica do debut con Berrogüetto de Xabier por Genma Malvido .

Rematou a xira peixe , obrigado a tod@s @s que vos achegastes ós concertos , levade um beijinho do Marraxo a Xarda e o Bacalhau e lembrade que seguimos na Radio Galega Música os Sábados ás 18.00 hrs e Domingos ás 23.00 hrs.

5 de Marzo

Despois da súa participación na Descarga Ao Vivo Galiza Cuba 2008 celebrada no Teatro Mella na cidade da Habana xunto cós músicos galegos Marcos Teira , Pedro Pascual , Quim Fariña , Oscar Fernández e Edelmiro Fernández e a banda do pianista Cubano Alejandro Vargas ( contaron tamén coa colaboración de Ugia Pedreira , Guadi Galego e Pablo Milanés ),

Xabier prepara o seu primeiro concerto con Berrogüetto o dia 30 de Marzo no teatro Rosalia de Castro de A Coruña.

Podedes mercar entradas aqui

15 de Xaneiro

Voltamos de Arxentina onde fixemos dous concertos nos que presentamos á Icia no Sul do Sul , mesmo no hemisferio sul e disfrutamos de músicas e xeografias urbanas e humanas , agora Xabier prepara a sua viaxe a Cuba para participar no espectáculo " Descarga ao Vivo Cuba - Galiza 08 " un espectáculo sobre o repertorio galego-cubano de ida e volta coordinado por Ramón Pinheiro e un grupo de músicos galegos entre os que estan Marcos Teira , Pedro Pascual , Kim Farinha , Oscar Fernández i Edelmiro Fernández ... E tamén músicos Cubanos .Estamos cós ensaios antes de marchar para La Habana , onde estaremos entre o 10 e o 24 de Febreiro .

Xabier e Guille traballan na seguinte entrega de Músicas de Salitre , traballo do que xá hai un feixe de temas enmaquetados ... teredes novas .

31 de Nadal

Xabier , Uxia e Guille, comenzan a " Xirapeixe 2008" que os levará por diferentes salas de Galiza , onde farán temas do repertorio " Ao Vivo " que fan na Radio Galega Música , así mesmo levarán a radio en directo a varios destes espazos .

27 de Novembro

Xabier , Pedro e Suso , fiando os últimos fleques da viaxe na que presentarán " Coplas para Icia " en Arxentina , a primeira data o dia 15 no Teatro de la Comedia da cidade porteña .

27 de Novembro

O xoves 29 de Novembro Xabier nun encontro de poesia galega dentro do espazo radiofónico La Estación Azul de RNE Radio 3 , compartindo coplas con Ana Romaní , Xavier Seoane ou Manuel Torneiro ... Mais info en ...
La Estación Azul

25 de Outubro

Xabier presentará a sexteto " Coplas para Icia " no Palau de Congresos de Montjuic en Barcelona este sábado .

24 de Outubro

Os Peixes agora con catro azas , multidifusión os sábados e domingos na Radio Galega Música , máis información en ...
Tres Peixes Voando.

04 de Outubro

Xabier no IV encontro de Pandeireta Internacional de Pontevedra , onde presentará " Coplas para Icia " Teatro Principal 21 de Outubro ... Novas datas de NGD , podedes consultar na axenda . .

24 de Setembro

Icia de viaxe no Galician Tunes que a Conselleria de Cultura levou ó Pop Kom a Berlín .

18 de Setembro

Novas datas de Xabier con Nova Galega e Guillermo con Berrogüetto , podedes consultalas na axenda . Xá traballan no que será o seu segundo traballo partillado ... infromarémosvos ¡¡

04 de Setembro

Xabier na Festa dos Axóuxeres .

14 de Agosto

23 de Xullo

Coplas para Icia , Xabier Diaz ( Sexteto ) en concerto nas festas de Ferrol o lúns 06 de Agosto ás 23.00 hs na Praza de Amboaxe .

30 de Xullo

Coplas para Icia na prensa :
Xabier Diaz volve á estrada ...
Homenaxe ás mulleres de onte e de hoxe ...
Unha voz chea de verdade ...

Renovador da música de raíz ...

23 de Xullo

Os Tres peixes participarán cantando nunha edición especial do magazine “Un día por diante” (Radio Galega) que se emitirá en directo dende a Praza da Inmaculada, en Compostela, o vindeiro mércores 25 de xullo a partires das 11 h. da mañán. Non o perdades!!

05 de Xullo

Na mañán do sábado dia 7 de Xullo Xabier no Extrarradio da Radio Galega .; Extrarradio . Á noite no festival de Ortigueira colaborando con Dani Bellón e Diego Maceiras . www.bellonmaceiras.com .

02 de Xullo

A nosa amiga Raquel Gamallo , fai un espazo para Icia no seu site .; Coplas para Icia en Ghastaspista .

28 de Xuño

Os Peixes ( Guille , Ugia e Xabier ) pasan na programación de verán á Rg convencional , os domingos ás 23.00 hs ; Tres Peixes Voando .

25 de Xuño

Coplas para Icia en Fene ( Xabier , Pedro , Suso , Lucia , Pablo e Iván ) ; Icia en Fene .

Icia xá ten espazo de seu na rede , O myspace de Icia .

24 de Xuño

Xabier en Miraxes da Tvg , pica no programa do 23/06/2007 ; Entrevista

11 de Xuño

Xabier , Pedro e Suso levan as Coplas Para Icia ao vivo mañán 12 de xuño ó programa As Quimbambas da Radio Galega de 19.00 hs a 20.00 hs . Falaremos de todo o proceso previo á edición .

28 de Maio

Os Peixes Voando a Cuba para facer 5 programas de música galega para a illa e 1 de música cubana para galiza . Guille , Ugia e Xabier no Instituto de Arte Superior de La Habana . Faremos tamén dous concertos có repertorio dos Peixes .

15 de Maio

14 de Maio

Xá sodes máis de 25.000 os visitantes desta leira dixital , obrigado a tod@s ... .

23 de Abril

Varios e novos sites con información sobre Xabier e Guille :

• Musicas de Salitre
• Tres Peixes Voando
• Espido
• Engado

Neste último espazo atoparedes novas sobre a grabación da música de Engado , espectáculo en xira da NGD

03 Abril

10 de Marzo

13 de Marzo

Os tres Peixes xá teñen espazo propio ; Sumérxete .

Espido no Myspace ; Guille e Guadi .

26 de Febreiro

01 de Febreiro

A música de Alento en Ghastaspista.

Novas datas de concertos .

22 de Xaneiro

O tema Nubes forma parte do catálogo de 50 temas de grupos galegos que o IGAEM presenta no MIDEM en Cannes ( Francia ) como material promocional e representativo da música galega .Podes ampliar a información aquí ; Galiciantunes .

15 de Xaneiro ;

No 2007 a factoria Salitre vai editar dous traballos nos que Xabier e Guille están inmersos na actualidade , nos próximos meses adiantarémosvos algúns detalles destes discos .

18 Decembro

Os Tres Peixes estarán na sintonia da Radio Galega nas noites do 24 e o 31 de nadal de 22.00 a 23.00 , música ao vivo , convidados , sorpresas ... Festa ¡¡

6 de Decembro 2006

Nestes dosu primeiros meses dos Tres Peixes , xá pasaron pola nosa particular maré : Carmen Rey , Guadi Galego , Kim Garcia , Mario Edrosa ; Sonia Lebedinsky , Pepe Carreira , Fran Pérez , Emilio Rua ... recordade tamén que podedes enviar as vosas peticións ( en forma de canción relaccionada có mundo do mar ) para descubrirmos novos peiraos , e por suposto facer calquera comentario .

26 Outubro

Xabier graba dous temas para a opera prima de Dani Bellón e Diego Maceiras , estes veciños de Fene contan có seu paisano para a sua estrea discográfica.

03 Outubro

Entrevistas na Opinión a Xabier e a Guadi e Guille

02 Outubro

Os Tres Peixes sobrevoarán na tempada de inverno dentro da programación da Radio Galega Música , os domingos de 23.00 a 24.00 música , entrevistas etc . Guillermo , Xabier e Uxia Pedreira a partires do dia 8 de outubro .

O novo disco de Xabier " Coplas para Icia " xunto con Pedro Lamas e Suso Iglesias xá está rematado , chegará ás tendas aló pola segunda semana de Maio . Aqui tedes unha mostra de como vai quedando: Muñeira de Cortellas de Soutomaior

¿Que vos parece?

• © Xabier Diaz 2005
• Mapa do sitio
• Contacto
• Blogomillo